Ek jabr hai ab ahsaas-e-wafa bhi ye dil me basana theek nahin

Ek jabr hai ab ahsaas-e-wafa bhi ye dil me basana theek nahin

Ab saaz-e-dil afsurdah per, is geet ko gana theek nahin

 

Tum bhool chuke ye sab behtar ,tum chor chale ye aur acha

Khwabon mein mager majbooron ke ye aana jana theek nahin

 

Keh do ke nahin hum mil sakte, keh do ke koi majboori hai

Lekin ye labon tak la la ker, baton ko chupana theek nahin

 

E shooq-e-junoon ab baaz bhi aa, kuch maan bhi le tu mera kaha

Jo jaan ke bhi anjaan bane,gham usko sunana theek nahin

 

Ab chor bhi do deewana pan, ab bhool bhi jao maazi ko

E 'shams' ye pal pal khilwat mein ashkon ka bahana theek nahin...

Mujhe Aur Kahin Le Chal Sanwal...

Jahan Raat Kabhi Bhi Soyi Na Ho,

Jahan Subah Kisi Pe Royi Na Ho,

Jahan Hijr Ne Wehshat Boi Na Ho,

Jahan Koi Kisiki Khoyi Na Ho,

 

Mujhe Aur Kahin Le Chal Sanwal

 

Jahan Shaher Hoon Sare Veeran,

Jahan Log Sabhi Ho Begane,

Jahan Sab Ke Sab Ho Deewane,

Jahan Koi Hamein Na Pehchane,

 

Mujhe Aur Kahin Le Chal Sanwal

 

Jahan Nafrat Dil Mein Bas Na Sake,

Jahan Koi Kisi Ko Dus Na Sake,

Jahan Koi Kisi Pe Has Na Sake,

Jahan Koi Bhi Gunjal Kas Na Sake,

 

Mujhe Aur Kahin Le Chal Sanwal,

 

Jahan Dard Kisiko Raas Na Ho,

Jahan Koi Bhi Udaas Na Ho,

Jahan Zulmat Ki Boo Bas Na Ho,

Jahan Tu Bhi Zyada Paas Na Ho,

 

Mujhe Aur Kahin Le Chal Sanwal...

, Jo Guzar Gaya Wo Guzar Gaya,

Use Yaad Karke Na Dil Dukha, Jo Guzar Gaya Wo Guzar Gaya,

Kahan Laut Kar Koi Ayega, Jo Guzar Gaya Wo Guzar Gaya,

 

Nayi Subah Hai Nayi Shaam Hia Naya Shaher Hai, Naya Naam Hia

Wo Chala Gaya Use Bhool Ja, Jo Guzar Gaya Wo Guzar Gaya,

 

Koi Ayega Koi Jayega Koi Jayega Koi Ayega,

Suno Raston Ki Sada Suno, Jo Guzar Gaya Wo Guzar Gaya,

 

Tere Paas Tere Habib Hia, Jo Nahi Mia Wo Naseeb Hai,

Koi Phool Kehta Hai Muskura, Jo Guzar Gaya Wo Guzar Gaya,

 

Mujhe Patjhadon Ki Kahaniya Na Suna Suna Ke Udaas Kar,

Naye Mausamon Ka Pata Bata, Jo Guzar Gaya Wo Guzar Gaya,

 

Yahan Aitbaar-O-Yakeen Hai Ye Haqeeqaton Ki Zameen Hia,

Zara Der Ka Koi Khwab Tha, Jo Guzar Gaya Wo Guzar Gaya..

baras guzray hain............

Baras Guzray hain.

Main ne "Mohabbat" lafaz likha tha.

kissi kaghaz k tukray per.!

Achanak yaad aya hai.

baras guzray hain............

Mujh ko kissi se baat karni thi.

ussay kehna tha.

Jaan-e-jaaan "Mujhay tum se Mohabbat hai".

magar main keh nahi paya.

woh kaghaz aaj tak lipta para hai dhool main lekin.

kissi ko de nahi paya.

dobara chah kar bhi main "Mohabbat kar nahi paya."

Sab tumharay liye.

Sab tumharay liye.

Jaan-e-jaan yeh jahaan, yeh zameen aasmaan.

yeh mere raat din khaak main tere bin.

yeh meri zindgi, dosti , dushmani.

rastay , wastay sab tumharay liye.

tum jo dekho to mere shab-o-roz ko

koi matlab millay.

tum jo poocho to mere har ik harf ko.

koi rutba millay koi munsib millay.

tum jo socho mere wastay kuch bhi.

main sitaaroon ko muthi main bhar laoon ga.

tum agar aik mujh ko awaz do.

main jahan per bhi hoon laot kar aaooon ga.

yeh mere jism-o-jaan mere sheir-o-sakhan.

meri tanhayiaan bazam araayiaan

ab tumharay liye

SAB tumharay Liye

ujaar lamhon ki daastanain ager kaho tou sunaain tum ko

ujaar lamhon ki daastanain ager kaho tou sunaain tum ko

bohat sa hum jagtey rahey hain chalo zara sa jagaain tum ko

 

tumhi hi jo rashni si ban ker humari aankhon mein aa basey ho

jab apni aankhain hi keh dya hai tou phir bhala kyun rulain tum ko

 

tum aaj kyun muztarib ho janan,tumharey lehjay mein toot kesi

kaha na tha k waqt dai ga kadooraton ki sazaain tum ko

 

tum aisa kerna k aik lamhay ko apni dharkan peh haath rakhna

meri wafaain merey ye jazbay ager kabhi yaad aain tum ko

 

ghubaar aalud raaston mein talaash ker ker k thak gaye hain

kahan peh jaa k basay huye ho kahan se dhoond lain tum ko

 

tumhain tou sukh aagay muyaser tumhain to hum yaad bhi nahi hain

magr batao k hum jo chahain tou kis tarah se bhulaain tum ko

 

tum apni baaton peh mutmain ho hamein bhi shermindagi nahi hai

anaa ki diwaar ko gira ker nahi ye mumkin manaain tum ko

 

kaho ae jazib ye jhoot hai naa k tum ne us ko bhula dya hai

abhi talak jis ki shokh yaadein her aik lamha sataain tum ko

Ghalib Vs Iqbal Vs Faraz

1.(GHALIB)

Ghalib sharab peene De masjid mein beth kr.

Ya wo jaga bta jahan Khuda nahi.

 

2.(IQBAL)

 

Masjid Khuda ka ghar hy peene ki jaga nahi.

Kafir ke dil mein ja wahan Khuda nahi.

 

3.(FARAZ)

 

Kafir ke Dil Se aya hon ye Dek kr Faraz.

Khuda mojood hai wahan,

usay pta nahi.

Humsafer koi bhi nahin ab tou,

Humsafer koi bhi nahin ab tou,

Chara ger koi bhi nahin ab tou,

Yar kitney thay ahchay waqton mein,

Han magar koi bhi nahin ab tou ..,

Main ne tou dil ko tere hawaley kia,

Mujh ko darr koi bhi nahin ab tou ,

Sheher mein tera chahne wala ,,

Tha magar,koi bhi nahin ab tou,

Dil ki sab nermiyan tamaam hueen,

Chashm-e-tar koi bhi nahin ab tou ,

Chalo khwabun main milte hain,

Chalo khwabun main milte hain,

k neenden baant laite hain,

zamane ki nazar se door ja kar ghoom aate hain,

nayi duniya basate hain jahan\'

na koi rokne wala, na koi tokne wala,

na koi khoaf duniya ka\'na koi dar zamane ka\'

jahan barish Mohabbat ki hamen madhosh kar jaye,

Tumhare samne Main hun\' Hamare samne Tum ho\'

Chalo iss zindgani main Amr kr lein iss kahani ko,

tou phir khwabun main milte hain\'

\"Mohabbat Oarr laite hain\"

chiraaGh-e-zindagii hogaa farozaaN, ham nahiiN honge

chiraaGh-e-zindagii hogaa farozaaN, ham nahiiN honge

chaman meN aayegii fasl-e-bahaaraaN, ham nahiiN honge

javaano! ab tumhaare haath meN taqdir-e-aalam hai

tumhiiN hoge faroGh-e-bazm-e-imkaaN, ham nahiiN honge

hamaare Duubne ke baad ubhrenge naye taare

jabiin-e-dahar par chhiTkegii afshaaN, ham nahiiN honge

na thaa apnii hii qismat meN tuluu-e-meher ka jalvaa

sahar ho jaayegii shaam-e-GariibaaN, ham nahiiN honge

kahiiN hamko dikhaa do ek kiran hi TimTimaati sii

ki jis din jagmagaayega shabistaaN, ham nahiiN honge

hamaare baad hii Khuun-e-shahiidaaN rang laayegaa

yahii surKhii banegii zeb-e-unvaaN, ham nahiiN honge

Jo Na Mil Saka Wo Baywafa

Jo Na Mil Saka Wo Baywafa

Yeh Bare Ajeeb Si Baat Hai

Jo Chala Gaya Mujhay Chor Kar

Wohi Aaj Tak Mere Saath Hai...

Wo Roshni Kay Khayal Main

Wo Na Asaka Raah Mein Muntazir

Yeh Khalish Kahan Thi Visaal Main

Mere Justojoo Ko Khabar Nahi

Na Wo Din Rahay Na Wo Raat Rahay

Jo Chala Gaya Mujhay Chor Kar

Wohi Aaj Tak Mere Saath Hai..

Kary Pyar Lab Pay Koi Gila Na Hoo

Yeh Kissi Kissi Ka Naseeb Hai

Yeh Karam Hai Uski Jafa Nahi

Wo Juda Bhi Rehkay Qareeb Hai

Wo Aankh Hai Mere Ru Baru

Ussi Haath Mein Mera Haath Hai

Jo Chala Gaya Mujhay Chor Kar

Wohi Aaj Tak Mere Saath Hai

Mera Nam Tak Jo Na Lay Saka

Jo Mujhay Qarar Na Day Saka

Jissay Ikhtiyaar Tau Tha Magar

Mujhay Apna Pyar Na Day Saka

Wohi Shakhs Mere Talassh Hai

Wohi Dard Mere Hayaat Hai

Jo Chala Gaya Mujhay Chor Kar

Wohi Aaj Tak Meray Saath Hai...

zindagi ki dua na do

zindagi ki dua na do

meri zindagi se bani nahin

koi zindagio per karey yaqeen

mujhey zindagi pe yaqeen nahin

yeh safar bhi kaisa safar hua

mein kabhi kahin tou kabhi kahin

mujhey jis sanam ki talash thi

woh mila magar meraa nahin

mein woh raat hoon jo katti nahin

mein woh baat hoon jo bani nahin

mujhey zindagi ki dua na do

meri zindagi se bani nahin”

abhi zid na kar, dil e bay khabar

abhi zid na kar, dil e bay khabar

keh pas e hajoom sitam graa`n

abhi kon tujh say wafa karay

abhi kis ko furstai`n hain is qadar

kay samait kar teri kirchiyaa`n

teray haq mai khuld say dua karay

abhi zid na kar dil e bay khabar

keh teh e ghubaar gham e jaa`n

kahan kho gaye teray charah gar

keh raah e hayat mai raigaa`n

kahan kho gaye teray hum-safar

abhi gham gusaro`n kee chot say

abhi kuch na soun abhi kuch na keh

abhi zid na kar dil e bey nawa

Benaam Sa Ye Dard, Thehar Kyon Nahi Jata

Benaam Sa Ye Dard, Thehar Kyon Nahi Jata

Jo Beet Gaya Hai, Woh Guzar Kyon Nahi Jata

Sab Kuch To Hai, Kya Dhundti Rehti Hai Nigaahein

Kya Baat Hai, Mai Waqt Pe Ghar Kyon Nahi Jata

 

Woh Ek Hi Chera Toh Nahi Saare Jahan Mein\

Jo Door Hai Woh Dil Se Utar Kyon Nahi Jata

Main Apni Hi Uljhi Hui Raho Ka Tamasha

Jate Hain Jidhar Sab Main Udhar Kyon Nahi Jata

 

Woh Naam Jo Na Jane Kab Se, Na Chehra Na Badan Hai

Woh Khawaab Agar Hai To Bikhar Kyo Nahi Jata

ghalat fehmi ne baton ko barha dala younhi warna,

Wo sunta to main kehta,mujhe kuch aur kehna tha,

wo pal bhar ko jo ruk jata,mujhe kuch aur kehna tha.

 

kamai zindagi bhar ki,usi k naam to kar di,

mujhe kuch aur karna tha,mujhe kuch aur kehna tha.

\

kahan us ne suni meri,suni b un-suni kar di,

usay maloom tha itna,mujhe kuch aur kehna tha.

 

meray dil main jo dar aya,koi mujh main b dar aya,

waheen ik rabta toota,mujhe kuch aur kehna tha.

 

rawan tha piyar NUS NUS main,bohat qurbat thi apis main,

usay kuch aur sun-ana tha,mujhe kuch aur kehna tha.

ghalat fehmi ne baton ko barha dala younhi warna,

kaha kuch tha,wo kuch samjha,mujhe kuch aur kehna tha.

Hon gay juda hum es tarah, imkan tu na tha

Hon gay juda hum es tarah, imkan tu na tha.....

Ye dil kabhi bhi es tarah, weraan tu na tha.

~~Jesay howa hai ab k wo, halaat say mray.....

Pehlay kabhi wo es tarah, anjaan tu na tha.

~~Wo shehr se gia hai tu, ronaq bhi lay gia.....

ye shehr es tarah kabhi, sunsaan tu na tha.

~~Ek Pyar ki jageer ka, maalik tha mein kabhi......

Pehlay se yonhi be-sar-o-samaan tu na tha.

~~Mohsin hum ne Ishq mein,paya naffa bahut.....

Es karobaar mein koi, nuqsan tu na tha.

Ab To SaHa Na JaaYe..!!

 

Ab To SaHa Na JaaYe..!!






Raat Dhaley Tak Jagna APna
Karna Taaron Se Baatein
Subah Nasheeli Aankhen Lekar
Laali Ko Takna Jaatey
Kehte Hain Sab Pyaar Isey
Humko To Samajh Na Aaye
Roz Roz Ka Jagna Humse
Ab To Saha Na Jaaye..!!!!





Aankhon Mein Saagar Bhar Aana
Jhukna Bojhil Palkon Ka
Gaalon Par Dehki Garmi
Jalna dhak-Dhak Saanson Ka
Suntey Hain Yeh "GARAM HAWAAN"
Ab Aur Jalaa Na Jaaye
Roz Roz Ka Jagna Humse
Ab To Sahaa Na Jaaye..!!!!







Dhundley Se Yaadon Ke Saaye
Dhalna Pyaasi Shaamon Ka
Dard Ka Kaske Seeney Mein
Kahan "VIRHA SAUGAT" Isey
Ab Durr Rahan Na Jaaye
Roz Roz Ka Jagna Humse
Ab To Saha Na Jaaye..!!!!






Seeney Mein Tere Jo Dharka
Kya Mera Dil Hain Sajna
Nainon Se Mere Beh Nikla
Teri Yaadon Ka Jharna
Dil Dekar Dard Liya Humne
Chain Kahan Ab Paaye
Roz Roz Ka Jagna humse

Ab To Saha Na Jaaye..!!!!

Jo khayal thay na ke yas thay wohi log mujh se bicher gaye

Jo khayal thay na ke yas thay wohi log mujh se bicher gaye
Jo Muhabatoon ki asas thay wohi log mujh se bicher gaye



Jinhain manta hi nahi yeah Dil ' Wohi log mairay hain humsafer
Mujhay her tarha se jo raas thay' Wohi log mujh se bicher gaye



Mujhay lamha bhar ki Rafaktoon' Ke sarab aur sataien gaye
Mairy umer bhar ki jo Payas thay wohi log mujh se bicher gaye



Yeah khayal saray hain Aarzi' Yeah gulab hain saray kaghzee
Gul Aarzoo ki jo baas thay wohi log mujh se bicher gaye



Jinhain ker saka na kabool main ' wo shareek-e-safar howe
Jo mairy talab' mairy Aas thay wohi log mujh se bicher gaye



Mairy dharkanoon ke kareeb thay' Mairy Chah thay' Maira Khawab thay
Wo jo Roze-O-Shab mairay paas thay wohi log mujh se bicher gaye

MohabbatoN pe buhut aitmaad kya kerna

MohabbatoN pe buhut aitmaad kya kerna
bhula chuke haiN usay phir se yaad kya kerna ??



woh bewafa hii sahii uss pe tuhmateiN kaisi
zara sii baat pe itna fasaad kya kerna



kuch isliye bhii maiN paspa hua hooN maqtal meiN
k behr-e-maal-e-ghaneemat jihaad kya kerna



mukhalifoN se to mumkin hai dostii apni
munafiqoN se magar ittehaad kya kerna



nigaah meiN jo utarta hai dil se kyuN utray
dil-o-nigaah meiN paida tazaad kya kerna



maiN isliye usay ab tak na chu saka faysal
woh aaina hai usay sung'zaad kya kerna

kabhi tu moheet-e-havaas tha, so nahi raha

kabhi tu moheet-e-havaas tha, so nahi raha
maiN tere beghair udaas tha, so nahi raha



meri wus’atoN ki havas ka khaana kharaab ho
mera gaaoN shehar ke paas tha, so nahi raha



teri dastaras main theeN bakhshishaiN, so nahi raheeN
meray lab pe harf-e-sipaas tha, so nahi raha



mera aks mujh se ulajh paRa to girah khuli
kabhi maiN bhi chehra-shanaas tha, so nahi raha



meray baad noha-be-labb havaaeiN kaha karaiN
woh jo ik dareeda libaas tha, so nahi raha



maiN shikasta-dil hooN saf-e-’udu ki shikast par
woh jo lutf-e-khof-o-haraas tha, so nahi raha

MOHABBAT THAIRR JAATI HAI .....

" MOHABBAT THAIRR JAATI HAI ..... "




Hum aksar yeah samajhtay hain
jisay hum piyaar kartay hain
usay hum bhool baithay hain
magar aisa nahin hota
mohabbat daimi such hai
mohabbat thair jaati hai...!!!
hamary baat ke andar
mohabbat baith jaati hai
hamary zaat kay andar magar
yeh kam nahin hoti



kisi bhi dukh ki soorat main
kabhi koi zaroorat main
kabhi anjaan se gham main
kabhi lehjay ki thandak main
udaasi ki zaroorat main
kabhi baarish ki soorat main
hamari aankh ke andar
kabhi aab-e-rawan ban kar
kabhi qatray ki soorat main
bazahir aisa lagta hai usay
hum bhool baithay hain magar
aisa nahin hota magar aisa nahin hota….
yeah hargiz kum nahin hoti…
MOHABBAT THAIR JAATI HAI…….!!!

mohabbat oos ki soorat,
piyasi pankhari kay hont ko seerab karti hai
golon ki asteeno mein anokhey rung bharti hai
sehar kay chatpatey mein, gongonati,muskarati, jagmagati hai
mohabbat kay deeno mein dasht bhi mehsoos hota hai
kisi firdoos ki soorat
mohabbat oos ki soorat!





mohabbat abbar ki soorat,
dilo ki sar zameen pay ghir kay atti hai aur barasti hai
chaman ka zarra zarra chomata hai,muskarata hai
azal ki baynamo metti mein sabza sar uthata hai
mohabbat un ko bhi abbad aur shaddab karti hai
jo dil hey kabir ki soorat
mohabbat abbar ki soorat!





mohabbat agg ki soorat,
bhojey seeno mien jalti hai tu dil bedar hotay hai
mohabbat ki tapish mien khuch ajab israr hotay hai
kay jitna yeh barhakti hai,aroos-e-jaan mehakti hai
dilo kay sahilo par jama hoti aur behkarti hai
mohabbat jhag ki soorat
mohabbat aag ki soorat!





mohabbat khowab ki soorat,
nighaoo mien utarti hai kisi mehtabb ki soorat
sitarey arzoo kay is tarha say jagmagatey hai
kay peh'chani nahi jati dil-e-bey taab ki soorat!
mohabbat kay shajar par khwab kay panchi utartee hai
tu shaghee jagh uthtee hai
thakey harey sitarey jab zameen say baat kartey hai
tu kab ki montizir ankhoo mien
mohabbat in mein jalti ha chargh-e-abb ki soorat
mohabbat khowab ki soorat!





mohabbat darad ki soorat
ghosishta mohsamoo ka istiyara ban kay rahti hai
shaban-e-hijar mien,roshan sitara ban kay rahti hai
monderoo pay charaghoo ki looh jab thartharati hai
nagar mien na umeedi ki haway sonsanati hai
gali mien jab koi ahat,koi saya nahi rahta
dhukey dil kay leya jab koi bhi dhukha nahi rahta
ghamoo kay boajh say jab tootnay lagtey hay shaney tu
yeh un pay haath rakhti hai
kisi hamdarad ki soorat!



ghuzar jatey hay sarey kafley jab dil ki basti say
faza mein teerti rahti ha deer tad
yeh gard ki soorat,
mohabbat darad ki soorat!

ab dostoon se hai na teri be-rukhi se hai

ab dostoon se hai na teri be-rukhi se hai
jo bhi gilaah hai apni sada dili se hai



kaisay katay gi raat batana tow sham e hijar
ek dard e be-panah tow dil mein abhie se hai



teri khushi hein gar meri be-chainiyaan tow kiya
mera sakoon e dil bhi tow teri khushi se hai



mein uss se humkalaam hon aur woh hai be-niyaaz
jaisay mera khitaab kisi ajnabi se hai



phir kis liye bachaaon phati aurrhni ko mein!!!
jab tu hi mut-mayen meri be-chaadri se hai

Kabhi Aansoo, kabhi Khushboo, kabhi Naghma ban kar

Kabhi Aansoo, kabhi Khushboo, kabhi Naghma ban kar
Hum se her shaam mili hai tera CHEHRA ban kar ;



Chaand nikla hai teri Aankh ke Aansoo ki tarah
Phool mahke hain teri Zulf ka Saaya ban kar ;



Meri Jaagi hoi Raaton ko Osski hai Talaash
So raha hai meri Aankh mein jo Sapna ban kar ;



Dil ke Kaghez pe Uttarta hai woh Shairon ki tarah
Mere Honton pe machalta hai woh Naghma ban kar ;



Raat bhi ho toh boujhti nahi Chehray ki Chamak
Rooh mein phail gaya hai woh Ujaala ban kar ;



Mera kya Haal hai, yeh Aa ke kabhi dekh toh le
Jee raha hoon tera bhoola howa Waada ban kar ;



Dhoop mein kho gaya woh Haath chhuda kar faysal
Ghar se jo saath chala tha mera Saaya ban kar ;



KHABHI AANSOO, KABHI KHUSHBOO, KABHI NAGHMA BAN KAR
HUM SE HER SHAAM MILI HAI TERA CHEHRA BAN KAR !

Meri jaan sochti hoon main
Agar tum mil na paaye to
Tumhari yaad ko dil se\
Bhala kaise bhulaoongi
Jo mausam sang tere beetay
Unhain kaise bhulaoongi
Andheri raat mein jugnu
Bhala kaise jalaungi
Meri jaan sochti hoon main
Tumhein kaise bhulaoongi
Likha jo naam hai dil per
Ussay kaise mitaoongi
Jo aadhi umer jeeni hai
Woh main kaise bitaoongi
Meri jaan sochti hoon main
Tumhein kaise bhulaoongi
Teri yaadein jo aayengi
Mujhe pal pal rulaayengi
Mere aanchal ko khenchengi
Mujhe kuchh gud-gudaengi

Meri jaan sochti hoon main

Tumhein kaise bhulaoongi
Jo batein tum se karti hoon
bhala kis ko bataungi
Naya jab shair likhungi
To main kis ko sunaoongi
Meri jaan sochti hoon main
Tumhein kaise bhulaoongi
Meri jaan, jaan lo tum bhi
Tumhein na bhool paoongi ...

yaadon k palkon par..

yaadon k palkon par..
raaton ko jalnay do..
banhon k sahil par...
thora sa chalnay do...
meri dharkanon main ...
gaye rut jagon main ...
tumharay nishaan hain...
mitana nahi...!!!



saanson ka bandhan...
nigaahon ka saawan...
tujhe dhondta hai...
mera soona aangan...
tumhari sadayen...
havaon se lipti..
meri saans main ghuli hain...
meri dharkanon main...
gaye rut jagon main...
tumharay nishaan hain...
mitana nahi...!!



andharay safar main...
havaon k dar main...
teri aahton k..
diye jal rahay hain...
teri ik dastak...
abhi tak pari hai...
meray ghar ki chaukhat...
wahin par khari hain...
meri dharkanon main...
gaye rat jagon main...
tumharay nishaan hain..
mitana nahi..!!



yaadon ki...palkon par...
raaton ko...jalnay do...
baanhon k saahil par...
thora sa...chalnay do...
meri dharkanon main...
gaye rut jagon main...
tumhray nishaan hain...
mitana nahi..!!!

Wohi qissay hain ,wohi baat purani apni

Wohi qissay hain ,wohi baat purani apni
Kon sunta hai bhala ram kahani apni



Har sitamger ko ye hamdard samajh leti hai,
Kitni khush-feham hai kambakht jawani apni,



Roz miltay hain darechay mein naye phool mujhe,
Chorrh jata hai koi roz nishaani apni



Dushmano'n se hi gham-e-dil ka madawa mange'n
Dosto'n ne tou koi baat na maani apni



Aaj phir chand ufaq per nahin ubhra Mohsin
Aaj phir raat na guzrey gi suhaani apni

Mere humsafar teri berukhi dil-e-mubtala ki shikast hai
Isse kis tarha main kahoon fatah yeh meri anna ki shikast hai



Tu chala gaya mujhe chor ker maine phir bhi tujh ko sadaaein dein
Mere HUMSAFAR tu ruka nahi yeh meri sada ki shikast hai



Tujhe la k dil main bitha diya tujhe raaz har eik bata diya
Tune phir bhi koi wafa na ki yeh meri wafa ki shikast hai



Mian charag-e-khoona mizaaj tha tujhe bijliyon ki talab rahi
Mujhe aandhiyon ne bhuja diya yeh meri ziya ki shikast hai



Mujhe iss tarha na satao ge mujhe zoam tha k na aao ge
Mera ghalat wehm-o-gumaan hi meri inteha ki shikast hai



Mujhe koi tujh se gilla nahi tu mila tha kab k bichar gaya
Mere jurm ki hai yeh saza yeh meri saza ki shikast hai



Meri khamoshi k byaan ko tu samjh k bhi na samjh saka
Mere aansoon k pyaam hi dil-e-benawa ki shikast hai



Ghum-e-dastaan-e-hayaat k sabhi tazkare hoe rayegaan
Mere charagar tera yeh hunar meri har dua ki shikast hai



Mujhe razmagah-e-hayaat main youn kabhi na koi gira saka
Teri khamoshi ki pukar hi meri ibteda ki shikast hai

Humsafer koi bhi nahin ab tou,

Humsafer koi bhi nahin ab tou,


Chara ger koi bhi nahin ab tou,



Yar kitney thay ahchay waqton mein,

Han magar koi bhi nahin ab tou ..,



Main ne tou dil ko tere hawaley kia,

Mujh ko darr koi bhi nahin ab tou ,



Sheher mein tera chahne wala ,,

Tha magar,koi bhi nahin ab tou,



Dil ki sab nermiyan tamaam hueen,

Chashm-e-tar koi bhi nahin ab tou ,

Hamain khabar hai tamam dukh hai….

Hamain khabar hai tamam dukh hai….


Yeh zindagi ko aasmanoon ki wus’satoon say

Hazar sadiyoon say mil raha hai… payam dukh hai

Jo karzar-e-zawaal hasti ko, dhoop chaoon ki

Ahatoon say chala raha hai… nizaam dukh hai

...Sehar to ik mushtasir sa ghum hai,

Taweel din ki hawailioon kay, jo rastoon main thehar gai hai

Wo shaam dukh hai, yeh shaam dukh hai

Kay iski sheh par kai dinoon say

Musafiran-e-abd ka aisay firaq asaar rastoon par

Safar to khair ik almiah hai, qayaam dukh hai

Hamain khabar hai, tamaam dukh hai

Yeh aas dukh hai, niraas dukh hai

Udasioon ka libaas dukh hai

Yeh tishnagi jo azaab bun kar thehar gai hai

Badan kay boseeda sahiloon par

To iska ehd-e-dawaam dukh hai

Yeh shor karti hawa ka sara kharaam dukh hai

Hamain khabar hai tamaam dukh hai

Yeh tum muhabbat nibhatay ho, to is muhabbat ka naam dukh hai

Yeh wasl mausam jo ik musalsal zabta hai

To is rafaqat ka naam dukh hai

Aur aisi wehshat numa fiza main

Khamoosh rehna bhi ik saza hai

Magar kisi say kalaam dukh hai..

Hamain khabar hai.. tamaam dukh hai

Sha'iro dard likhtay raho,.,.,.!!!!!!!!

Rooh ko sard likhtay raho
Shaa'iro dard likhtay raho

Aansu'on ko sitara likho
Khawaab ko ik ishara likho
...Ishq main sab gawara likho
Dil ki qismat khasara likho
Rat Jagay Ista'ara likho
Waqt kaisay guzara likho
Raat ko bay-sahara likho
Kis ne kis ko pukara likho
Chaand hai zard likhtay raho
Shaa'iron dard likhtay raho
Soch ko shabnami likh diya
Dhoop ko chandni likh diya
Aah ko shaairi likh diya
Saans ko zindagi likh diya
Zabt ko bay-bassi likh diya
Rabt ko ajnabi likh diya
Piyaar ko dosti likh diya \
Baat ko ser-seri likh diya
Dil pe hai gerd likhtay raho
Shaa'iron dard likhtay raho
Tum likho jeenay waloon ka gham
Zakhm-e-dil seenay waloon ka gham
Ya ke ghamm peenay waloon ka gham
Ya likho jalnay waloon ka gham
Aag per chalnay waloon ka gham
Shaam ko dhalnay waloon ka gham
Bay wajah ronay waloon ka gham
Khwahishain bonay waloon ka gham


Haath hain sard likhtay raho
Rang hai zard likhtay raho
Shaa'iron dard likhtay raho

Bahut Muddat Ke Baad Kal Jab Kitaab-e-maazi Ko Maine Khola

Bahut Muddat Ke Baad Kal Jab Kitaab-e-maazi Ko Maine Khola
Bahut Say Chehre Nazar Mein Utrey
Bahut say Namon Pe Dil Paseeja
Ek Aisa Safha Bhi Us Mein aaya
Likha Huya tha Jo Aasuon Se
...Jiska Unwan "Hamsafar" Tha
Woh Safha Sabse Hi Moutabar Tha
Ek Aur Aasun Fir Us Pe Tapka
Fir Is Se Aagey Main Parh Na Paayi
Kitab-e-Maazi Ko Band Karke
Usi Ki Yadoon Mein Kho Gayi Main
Agar Woh Milta Toh Kaisa Hota
Inhi Khayalon Mein So Gayi Main

Wohi qissay hain ,wohi baat purani apni

Wohi qissay hain ,wohi baat purani apni
Kon sunta hai bhala ram kahani apni
Har sitamger ko ye hamdard samajh leti hai,
Kitni khush-feham hai kambakht jawani apni,
Roz miltay hain darechay mein naye phool mujhe,
Chorrh jata hai koi roz nishaani apni
Dushmano'n se hi gham-e-dil ka madawa mange'n
Dosto'n ne tou koi baat na maani apni
Aaj phir chand ufaq per nahin ubhra Mohsin
Aaj phir raat na guzrey gi suhaani apni

Suno Ay chand si Larki!

abhi Tum keh rahi thi na!
tmhein mujh se Muhabat ho nhi skti
chalo mana k Ye sach hai
magr Ay chand si Larki
mujhe itna btaao tm
k jb mosam badalte hain
Gullon mein rang bharte hain
to phir kyun muztrib ho kr
akele pan se ghabra kr
Hawa ko raaz deti ho
mujhe awaz deti ho



Suno Ay chand si Larki
tumhare saamne koi
mera jb naam leta hai
to phir kyun chonkk jati ho
chalo maana k tmhein
mujh se Muhabat ho nhi skti
magr itna samjh lo tum
Jahan chahat nhi hoti
wahan nafrat k hone ka
koi imkaan nhi hota
magr Daawa hai chahat mein
jahan nafrat nhi hoti
wahan aksar ye dekha hay
agar kuch waqt kut jaye
samay ki dhool chat jaye
tu wehshat bhaag jati hay
muhubat jaag jati hay....

chal chalty hain us paar sanam

chal chalty hain us paar sanam


jahan lehroon ki khamoshi ho

jahan sansoon ki madhoshi ho

jahan jazboo ki behoshi ho

jahan ankhon se sargoshi ho

chal chalty hain us paar sanam

ik nae aag lagane ko

iss dil ki pyas bujhany ko

ik dojy mein kho jane ko

or ik pal k naam ho jane ko

chal chaltein hain us paar sanam

jahan assan sari rahein hon

jahan laboon py sard c aahein ho

jahan apni agosh ki panahein ho

chal chalty hain us paar sanam

chal chalty hain us paar sanam

chal chalty hain us paar sanam


jahan lehroon ki khamoshi ho

jahan sansoon ki madhoshi ho

jahan jazboo ki behoshi ho

jahan ankhon se sargoshi ho

chal chalty hain us paar sanam

ik nae aag lagane ko

iss dil ki pyas bujhany ko

ik dojy mein kho jane ko

or ik pal k naam ho jane ko

chal chaltein hain us paar sanam

jahan assan sari rahein hon

jahan laboon py sard c aahein ho

jahan apni agosh ki panahein ho

chal chalty hain us paar sanam

Khaali kaaghaz pe hurf sajaaya karta tha

Khaali kaaghaz pe hurf sajaaya karta tha



Tanhaai main sheher basaaya karta tha






Kaisa paagal shakhs tha saari saari raat


Deewaaron ko dard sunaaya karta tha






Ro deta tha aap hi apni baaton par


Aur phir khud ko aap hansaaya karta tha






Jalnay lagti laho main judaai to ro daita


Tanhaaion ki khaak uraaya karta tha






Chehray say tera rog chupaata to hans daita


Aankhon main teri yaad manaaya karta tha






Yaaro be waqt hua pyaar usay lay dooba


Jo logon ko pyaar k gur sikhaaya karta tha..